Lub neej khuam siab
ua neej nyob tsaus ntuj nti
Lub siab lwj dhi
tsis pom qab ua neeg nyob
Zoo yam nkaus li tuag tsis tu siav
Tsis pom qab piav
Tsis paub yuav qhia rau leej twg
Ib lub siab xav tias
yuav nyob li no mus
Los dej txiag twb paug siab
tsis xav sib hlub
Tsis xav nyob
nkim lub caij lub nyoog
Laj laj nyob sib yoog
tiv txoj kev lwj siab
Muaj ntau zaus chim chim
lub siab nim xav tias tuag kiag
Kom txoj sia yaj ntshis
txhob nco txog txoj kev nyuaj siab
Nim xav tag rov xav dua
los yus nim tuag tsis taus
Tsis paub yuav ua zaj twg
tswv yim ploj tag
Muaj ntau zaus chim chim
lub siab nim xav tias tuag kiag
Kom txoj sia yaj ntshis
txhob nco txog txoj kev nyuaj siab
Nim xav tag rov xav dua
los yus nim tuag tsis taus
Tsis paub yuav ua zaj twg
tswv yim tws tag
___Yubnag___
Ib lub siab xav tias
rhais ruam mus tom ntej
Taug dua txoj kev tshiab
seb puas kaj lub siab
Seb puas muaj hnub kuv
lub kua muag tu
Seb lub ntuj puas yuav
tshav ntuj nrig rau kuv
Cas ua lub neej nyob nim tsis
zoo li taws tsau ua neej
Cas nim ua neej nyob tsaus
ntuj nti tsis pom tom ntej
Tsis paub tias yuav taug txoj
hau kev twg thiaj yuav zoo
Ntuj aw xyov thaum kawg
lub neej yuav xaus li cas
Nim laj laj mus pib
dua ib lub neej tshiab
Vim ntshai rwg tsam mus tsis
zoo raws li lub siab xav
Muaj ntau zaus chim chim lub
siab nim xav tias tuag kiag
Kom txoj sia tu nrho thiaj
tsis nco qab kev lwj siab
Nim xav tag rov xav dua
los yus nim tuag tsis taus
Tsis paub yuav ua zaj twg
tswv yim ploj tag
Tsis paub yuav ua zaj twg
tswv yim tws tag
