( ئه‌ڤ شه‌ڤه ئه‌ز دێ مرم،
چ كه‌س نه‌شێت من ب ڕاوه‌ستینیت)
نه تو
نه رۆندكێن ته
نه دلێ ته
خوه جوانیا ته‌ژى
نه‌شێت من ب ڕاوه‌ستینیت
خوه پیرۆزیێن ته‌ژى
نه‌شێن من ب ڕاوه‌ستینن
ئه‌ڤه من تو دیتى
ئه‌ز یێ بویمه تژى ئاگر
ئه‌رێ ما تو هه‌ست ب گه‌رماتیا من ناكه‌ى
به‌لێ چ كه‌سێ ناسۆژم ژ بلى خوه
ب تنێ دلێ منه
رۆژێ هزار
جاران دهێت سۆتن د ئه‌شقا ته‌دا
ما ته ئاگر ب منڤه نه ددیت
ما ته نه ددیت چاوا شینا
ماچێن ته دهاتن سۆتن؟
ئه‌ز دزانم نوكه تو من نابینى
خوه تو هزرا دیتنا منژى ناكه‌ى
من ب تنێ تو هه‌بووى
لێ نوكه توژى نه‌مایى
به‌س یا ئه‌ز دزانم ب تنێ جگاره‌یا
من
و پێكێ مه‌یا من هه‌ڤالێن منن
ئه‌ز گه‌له‌ك شاره‌زامه
د خواندنا مرۆڤان دا
به‌لێ هه‌تا نوكه د ته ناگه‌هم
و
گومانێ ژ مرۆڤبوونا ته رادكم
ئه‌رێ دلوو ما تو فریشته‌ى !؟
نوكه ئه‌ز یێ ڤێ نامێ بۆ ته د نڤێسم
و دنیا بۆ ته یا گه‌له‌ك درێژ دبت
دبیت رۆژه‌كێ تو بخوینى
یان ته گوهـ ل ڤان په‌یڤا ببیت
به‌لێ نه‌كو ب من بكه‌یه
كه‌نى
و هزرا شێتا ژ من بكه‌ى ؟
ته به‌رى ڤێ ئه‌شقێ ئه‌ز د
نیاسیم و نوكه‌ژى من دبینى
چاوا د ڤه‌خوم و مه‌ى و
رۆندكان تێكه‌لى ئێك دكم
چاوا بیرهاتنێن ته دلێ من د ئێشینن
چاوا تبلا من یا ل سه‌ر
ده‌مانجێ و لێدانێن دلێ من
یێن دوماهیكێ یێن خوه لێ ددن
ئه‌ى هه‌مى تشت
خوه مرنا د رێكا ته‌ژى دا د من ناگه‌هیت
