İlahi, şahid ol özün, mən ağlıram balam gülür

İlahi, şahid ol özün, mən ağlıram balam gülür

Yavaş-yavaş yumur gözün, mən ağlıram balam gülür

Yavaş-yavaş yumur gözün, mən ağlıram balam gülür

Atıbdı Hərmələ oxun, kamanı saldı çiyninə

Əlimdə bənzədi balam, yaralı bir göyərçinə

Salar ölüncə bu yara Rubabi qəm kəməndinə

Anası öldürür özün, mən ağlıram balam gülür

Mən ağlıram balam gülür

Çəkib anası altı ay, bu nazidanə nazını

Gətirdi Kərbəlaya ta, ana öz imtiyazını

Necə açar qəmatini, necə öpər boğazını

Desəm çətindir ox sözün, mən ağlıram balam gülür

Mən ağlıram balam gülür

Mən oğlumu gətirmişəm, nigarıma fəda edəm

Gərək əzizimin qanın, göyə səpəm dua edəm

Ki ta tamami aləmi, bu eşqə aşina edəm

Deyəm bəlalara dözün, mən ağlıram balam gülür

Nə su veribdi Hərmələ, nə də tərəhhüm eylədi

Çəməndə bağibanilən gülü təcəssüm eylədi

Eşitdi Fatimə səsin, balam təbəssüm eylədi

Behiştə döndərib üzün, mən ağlıram balam gülür

Mən ağlıram balam gülür

Mən ağlıram bu illətə, anası müntəzir qalıb

Balam gülür buna görə, behiştdən ətrini alıb

Hərəm quşu qanad çalıb, qolunu boynuma salıb

Görübdür eşq möcüzün, mən ağlıram balam gülür

Mən ağlıram balam gülür

Kəlami tikmədi gözün, cahanda şer ümidinə

Balası getdi yaralı, şehidi eşq dininə

Özü gözünü bağladı, kəfən biçib Səidinə

Dedi balamdan əl üzün

Dedi balamdan əl üzün

Mən ağlıram balam gülür

Mən ağlıram balam gülür

İlahi, şahid ol özün, mən ağlıram balam gülür

Yavaş-yavaş yumur gözün, mən ağlıram balam gülür

Yavaş-yavaş yumur gözün, mən ağlıram balam gülür