نبی نبی
رحمت بن کر آئے نبی ساری زمیں پر چھائے نبی
ایک ایک دل میں ہے محفوظ جو کچھ بھی فرمائے نبی
حق کی پیاسی تھی دنیا ساغر حق چھلکائے نبی
قرآں نازل ان پہ ہوا پیغام رب لائے نبی
دین مُبیں کی خوشبو سے سانسوں کو مہکائے نبی
لبوں پہ اُن کا نام ہے دلوں میں احترام ہے
ہر ایک وصف خوب تر رسول پر تمام ہے
نبی کی پاک آل کا نفس نفس امام ہے
لبوں پہ سب کے رات و دن درود اور سلام ہے
ذہنوں کو بیدار کئے سوچوں کو چمکائے نبی
افضل و برتر ان کا لقب سب پہ فضیلت پائے نبی
روزے نمازیں حج و زکوٰۃ دیکھو کیا کیا لائے نبی
خوف الٰہی سے حافظ ہر دل کو دھڑکائے نبی
44 บันทึก
