تمر بجفاك ياخلي الايام

صعبه وبالاسى كلبي ايتسله

وضل سهران كل ليلي ولاتنام

عيني والدمع لجلك تهله

بغيابك ماشفت حتى بالاحلام

فرح حتى الكلب منه يتهنه

بدت بس بحزن اتمر الايام

بعدك والحزن مليت منه

كافي من الهجر ياخلي هلام

كلبي كام ينز غاد ونه

من هجرك اجت كل هاي الام

يمن هجرك صعب شحجاني عنه

تعال وشوف دهري شلون هلكام

علي سيف الغدر سله وتعله

جرح كلبي ودليلي من الالم هام

ونه بلياك جرحي شلون اشدنه