Bawat isa’y may pinagdaraanan

May mga hirap, mga kalungkutan

May nangungulila, may namamanglaw

At ang pagluha ay hindi mapigilan

May mga hatinggabing hindi mapaidlip

Minsa’y nanghihina at pagod ang isip

Pagtibok ng puso ay tila bumibilis

‘Pagka’t hindi tiyak bukas na sasapit

Mabuti na lamang at diwa ay napukaw

Nang maramdaman ang Iyong pagmamahal

Ang mga pangamba ay agad na naibsan

Dahil sa pag-asang ‘di kami iiwan

[CHORUS1]

Kami’y magwawagi kung Iyong sasamahan

At sa aming laban ay laging tutulungan

Hindi magagapi anuman ang magdaan

Pag-asa ay mararating buhay walang hanggan

Aming dalangin nawa’y pagtiisan

Mga pagkukulang at mga kamangmangan

Kami ay ibangon kapag nabubuwal

At huwag bayaang sa Iyo’y mapawalay

[CHORUS2]

Kami’y magwawagi kung Iyong sasamahan

At sa aming laban ay laging tutulungan

Hindi magagapi anuman ang magdaan

Pag-asa ay mararating buhay walang hanggan

Aming dalangin nawa’y pagtiisan

Mga pagkukulang at mga kamangmangan

Kami ay ibangon kapag nabubuwal....

[Coda]

At huwag bayaang sa Iyo’y mapawalay

Salamat, Oh Hesus sa Iyong pagmamahal

Ikaw ang pag-asa’t ligaya sa.... buhay