قصيدة الشاعر

(مهند العزاوي)

((( هل يا ترى))

رفع وتنسيق

__ADAM__

هَل ياتُرى ..

لَو مِتُّ أنسى ما جَرى ؟!

هَل ياتُرى ..

لو كان عندي غَيرَكُم ..

قَلبي إليكُم ما سَرى ؟!

هَل ياتُرى ..

يَحتاجُ مني كُرهكم

قَلباً قَوياً ثائِراً

وَتمَرُّداً وتَجَمهُرا ؟!!

ها قَد أفاضَت أجفُني ..

والدَمعُ منها قد جَرى ..

والدنيا ضاگت والنفس

باقي اعله گد الحسرة ..

فرحان داويت الغصن ..

ثاري المرض بالشجرة ..

مرت سنين من العطش

مو شفتي روحي اتفطّرت ..

ومتاني حبكم گطرة ..

وما گلت ليش إتعذبت ..

چنت أدري ليحب من صدك يرتاح بس بگبره ..

وصار المعارك بالحچي ..

وبين الضجيج المرتفع

فرزنت منكم نبرة ..

حنيت .. گمت أكتب شعر ..

ديوان كامل بس غزل ..

كملته وانطيته لشخص

لا يكتب ولا يقره ..

أمسَت جُروحي مِعطَفاً

وإحتَل لوني نَزفَها ..

والحُزنُ بي قيثارةً

يُبكي جَماداً عزفَها ..

صارَحتُكُم بمشاعري

وإزداد فيكُم صَدَّها ..

لو كان فيها كذبةً

ما كانَ مِنكُم ردّها ..

مو صوچكُم

طبع البشر يرتاح للّي يغدره ..

لو غاب يومين الرمح

يشتاگ ويفك صدره ..

وچيف آنه أحبكم من صدك ..

وبروحي شايلكم عشك ۔۔

مل غيري من عيونكم

وآنه بحسرتي النظرة ..

وشگد اجو رادوني أحب

علّمت گلبي وما عرف ..

يعني آني أحبكم من طرف

واحد وصنت العشرة ..

وشگد فضول إتحملت ..

ووجوه مابيها طعم ..

وآني بكثر ماغيَّمِت

يرعبني لون الگمرة ..

مليت كلشي ومن صدك

يبست الروح الخضرة

أحتاجُ بيتاً هادئاً ..

أحتاجُ بيتاً هادئاً ..

يوماً إذا فيه إرتمت ..

ينسمع صوت الإبرة ..

أحتاجُ صدراً واسعاً ..

ما عاد صدري يحتمل ..

كسرت ضلوعي العَبرة ..

وبالضحكة حيل إستعجلت ..

فرحان داويت الغصن ..

ثاري المرض بالشجرة

__ADAM__