حبيتك وبحبك تيبطل الغيم
يشرد ورا الغيم وتخلص الطرقات
حبيتك وبحبك تيبطل الموج
يركض ورا الموج بشمس المسافات
قلتلك وبقلك هوانا مكتوب
والدمع مكتوب ع ورق الأسرار
قلتلك وبقلك لو هاجروا الناس
من بعضن الناس انتي بقلبي نار
قلتي عني ناسي والهوى عمره قصير
عتبي عليكي قاسي وعتب الأحبة كبير
قلتي عني ناسي والهوى عمره قصير
عتبي عليكي قاسي وعتب الأحبة كبير
وين ما كنتي وضج الحنين
وكيف ما رحتي وباعدتنا سنين
قولي بعدو ناطر ع باب المشاوير
ع باب المشاوير
خليكي وخليني عطر وليالي زمان
وإذا سألوا انكريني وقولي هوانا كان
خليكي وخليني عطر وليالي زمان
وإذا سألوا انكريني وقولي هوانا كان
وضلّي بقلبي سرّه الجريح
ونامي بقلبي تتعب الريح
خبّيتك بعيوني من درب النسيان
من درب النسيان
حبيتك وبحبك تيبطل الغيم
يشرد ورا الغيم وتخلص الطرقات
حبيتك وبحبك تيبطل الموج
يركض ورا الموج بشمس المسافات
