Yenə də sıxır şəhər hər yeni nəfəsiylə

Təəccübləndirir qoca yaşamaq həvəsiylə

Cizgilər niyə cavan qalsın, ruh qocalıbsa?

Həyatdan nə hədiyyə gözləyim, məndən borc alıbsa?

Bağlanıbsa üzümə qapılar, pəncərələr

Sevgilər qalır burada, tərk edir öncə illər

Sən zəng elədin, mən donub qaldım

Sən əlimi istədin, mən qanad çaldım

Ruh bədəndən bezir, adını "ölüm" qoyurlar

Gözünü açıb yumursan, adını "ömür" qoyurlar

Sənin zamanını xərcləyib sənlə vaxt keçirirlər

Həyatına daxil olub hələ bir şah seçilirlər

Dağılacaqmı arzular, əgər dağılsa dünya?

Yatmamışdan öncə danışılan nağılsa dünya

Oyanmaq istəmirəm, gəl qalaq duyğularda

Sevgini, xoşbəxtliyi gəl tapaq mahnılarda

Hər səhər mən gözləyirəm

Bir buludtək ağlaram, haradasan?!

Bu həyatda sevgilərdən uzaqdayam mən

Mən sevirəm mahnılarda

İllər keçsə də, sənə hisslərim eyni qalıb

Məni tərk etdiyin gündən bu günə sehir qalıb

Sənə yazılmış mahnılardan artıq özüm bezmişəm

Mahnılar həyatdırsa, gör nə qədər həyat gəzmişəm

Bu şəhər uzaqlaşır, artıq üfüqdən itir

Buradakı həyata çəkirəm xətt şəfəqdən iti

Qərb tərəfimdə qəlbdir, mən geridə qalmışam

Həyat davam edir, gedir, mənsə hələ də qalmışam

Suallar da artıq yox ki, səbəbkar sayılsın

Necə səs salım, hisslərimin bəlkə yarısı ayılsın?

Atdığım səhv addımların, kaş ki hər izi yayılsın

Geriyə dönsəm, bir gün yadıma düşməyəsən

Bir neçə söz, bir neçə not və gözəldir dünya

Bir neçə milyon insandan bezərdi dünya

Bir neçə sevdiyin insanla qal duyğularda

Yaxşı ki, başqa cürdür həyat doğma mahnılarda

Hər səhər mən gözləyirəm

Bir buludtək ağlaram, haradasan?!

Bu həyatda sevgilərdən uzaqdayam mən

Mən sevirəm mahnılarda

Hər səhər mən gözləyirəm

Bir buludtək ağlaram, haradasan?!

Bu həyatda sevgilərdən uzaqdayam mən

Mən sevirəm mahnılarda