Kaise ho Jane Jana
Khat dekho toh batana
Jo kal ko na rahe hum
Fir aakhe na bahana
Jo haal bayaan kardu toh
Padhke sehmoge tum bhi
Hum kehte nhi kuch apni
Sunte par sab gairo ki
Udte nhi par Aisa lagta baadal pairo me
Jab saath hote maangu rab se jyada thehroge
Sabse jyada jaane par sabse jyada ajnabee ye Jaane na ke Jaan leli meri uske naino me
Par jab hoti nhi saath
Lage fule meri saas
Har khaab ka hisaab
Fisle haath se janaab
Shaandar sa khitaab
Rangmanch ka mai haasya kirdaar
Aa bail mujhe maar
Keh Diya jabki pehle se hi halat thi kharab
Jab khud hi kooda khaai me mai jaanke gehrai
Fir Toh jaane de na Bhai ab Mai usse kya hi kosu
Sar pe utne hi nishaan jitni gaaliya likhi hai
Thaa mai jaanta anjaam meri khaamiya ginegi
Mere khaab kyu dikhenge jab bass aakho me the aasu
Khair
Sabse toh keh dia ke jaan tujhme basti hai
Par kisko mai baatau jab jaan chutne lagti hai
Andar ek khalipann sa hai kami kiski ye khalti hai
Andhera raat ka mai tu chaand jaisi hi lagti hai
Bass, ek aur bar har baar yahi sochta hu
Par har baar uske baad khudko Kosta hu
Jaanta hu layak nhi koi bhi bharose ke
Chalo, ek aur baar tumhe khaab apne saupta hu
Kaash tujhe bhi khayal ek raato ko jagaye
"Wo sab pe aise marta ya bass mujhe hi manaaye
Kitni baari taakat di ussne khud ki barbaadi ki iraada tha nhi kuch bhi mera dosti siwaaye"
Aaj, aaoge jab toh mera dil bhi wapis lete aana
Bolu jab mai thik hu tou chahu wo na ho bahana
Lautunga shayad fir se himmatein juta kar
Abhi na bachi hai taakat mujhse dhong aur na karana
Dosti, ka tujhse wohi mera kaidkhana
Filhaal Chodd do aise hi mere haal pe
Maine jeet se jyada gaane likhe meri haar pe
Jab haq khud hi diya tha kis baat ka fir malaal hai
Jisko bhi wo mil jaaye bass rakhna thoda sambhal ke
Daregi kya tu bhi kisi din mujhe khone se
Ya mere chale jaane se kisi aur ka hone se
Ya mere, mere piche wali, ke piche hi, rone se
Mai gayab ho jaau jo dhundhne aao har kone me
Kaise ho Jane Jana
Khat dekho toh batana
Jo kal ko na rahe hum
Fir aakhe na bahana
