പിടയുന്നോരെന്റെ ജീവനിൽ

കിനാവു തന്ന കണ്മണി

നീയില്ലയെങ്കിലെന്നിലെ

പ്രകാശമില്ലിനി...

മിഴിനീരു പെയ്ത മാരിയിൽ

കെടാതെ കാത്ത പുഞ്ചിരി

നീയെന്നൊരാ പ്രതീക്ഷയിൽ

എരിഞ്ഞ പൊൻതിരി

മനം പകുത്തു നൽകിടാം

കുറുമ്പുകൊണ്ടു മൂടിടാം

അടുത്തു വന്നിടാം

കൊതിച്ചു നിന്നിടാം

വിരൽ കൊരുത്തിടാം

സ്വയം മറന്നിടാം

ഈ ആശകൾ തൻ

മൺതോണിയുമായ്

തുഴഞ്ഞകലേ പോയിടാം...

എന്റെ നെഞ്ചാകെ നീയല്ലേ..

എന്റെ ഉന്മാദം നീയല്ലേ...

നിന്നെയറിയാൻ ഉള്ളുനിറയാൻ

ഒഴുകിയൊഴുകി ഞാൻ

എന്നുമെന്നുമൊരു പുഴയായ്...

ആരാധികേ..

മഞ്ഞുതിരും വഴിയരികേ...