Eje nämedir? Ýönekeý aýal?

Asman perişdesimi? Ýa, ýetilmez hyýal?

Ölýänçäm haýyş etýän, ýanymda gal

Ýa gitjek wagtyñ, ýanyñ bilen alyp git!

Durmuşyñ manysymy sen? Ýa gül ysy?

Aýy gabandyrýamyş, ejeleñ ýüzi

Jennet sende däl, sen jennediñ özi

Jennede gidäýseñ, meni oda salyp git!

Öwretdiñ garany, öwretdiñ agy

Köpeldi saçyñ agy, gözüñde agy

Şahyr diýdi: "Besdir daglañ garrany"

Sen garrama, ýaş wagtyñy tapyp git!

Ýüregiñi gysganmarsyñ, eger islesem

Ýüregimi okaýañ gaýgymy gizlesem

Armanym ýok, owazyñy diñlesem

Mähirden doly, ol sazyñy çalyp git!

Dünýä ýatyr, küýsäp ertirki güni

Menem ukladym, dileg edip gowlugy

Ýüzüñde, gijäñ ukusyzlygy

Birazajyk ýataý, aýy güne öwrüp git!

Señ içki dünýäñe düşünmek mümkin däl

Dünýä garşy, sende öyke-kin kän

Sen uçmaly, ýöne señ ýüküñ kän

Eje gaýgylaryñy ogluña goýup git!

Alla seni ýaratdy, päk ýürek bilen

Kömek edenokdy, ne giden ne gelen!

Ýadyñdamy doýýardyk gury çörek bilen?

Diýdiñ: "Oglum bary bilen oñup git!"

Oraz diýer: "Men bir ene aşygy!"

Ýöne gaharlanýan käte çytyp gaşymy

Diñe gülende görkezsin ýaşyny

Ejeñi soñky demiñe çenli, söýüp git!

RR