Zan ka tawnmangah chuan e,

Ka lo tawng che aw di hlui;

Kan nunhlui chul tawh hnu kha,

A lo vul thar parmawi iangin,

Tu dang reng ngai lo ten maw,

Thler tin kualtin kan mawi a,

Mahse, zingtian bawharin,

Tawnmang mawl a chan tir e.

Thinlai zawng a na ngei,

Tawrh thiam aw a har thin;

Tawnmang mawl mah nise,

Kan hlim ni te lo kîr leh se,

Ka tah lai ni a liam ngei ang.

Tawnmang ram nuamah chuan e,

Theih chang se cham hlen ka nuam;

He ka lei hring taksa hian,

Thawh leh zai rel lo mah se,

Ka hmangaih tangah pawm a,

Chatuana kan hlim dun chuan,

A pawi lul lo, a pawi lo,

Eng dang reng ka ngai lo'ng e.

Thinlai zawng a na ngei,

Tawrh thiam aw a har thin;

Tawnmang mawl mah nise,

Kan hlim ni te lo kîr leh se,

Ka tah lai ni a liam ngei ang.

Dawn ti tam tu,

Enga'n kher nge ka tan i lo vul le?

Tawn leh ni her thin mah se,

Biahthu hlan a rem tawh lo;

Puan ang chul hnu nunhlui zawng,

Ngaihchang ni awm thin e,

Kum sul tam vei tawh mah se,

Thinlaia'n i hlui thei lo,

Engtin nge ka tawrh tak ang le?

Tah khua zawng a sei dawn ngei.

Thinlai zawng a na ngei,

Tawrh thiam aw a har thin;

Tawnmang mawl mah nise,

Kan hlim ni te lo kîr leh se,

Ka tah lai ni a liam ngei ang.