ជើងភ្នំពេជ្រនិល ព្រិលធ្លាក់ទាំងព្រឹក
ប្រាណអូនទទឹក ស្ពឹកអស់ជើងដៃ
ចេកទុំមួយស្និត ធូបបីសរសៃ
អូនអើយ!លើកដៃថ្វាយជូនយាយម៉ៅ
សូមផាត់ពពក កុំឱ្យមកជិត
ឱ្យព្រះអាទិត្យរិតមានកម្តៅ
ព្រះអើយ! ភ្លៀងរាំងទាំងមេឃពណ៌ខ្មៅ
គុណបុណ្យដូនម៉ៅហៅព្រះសុរិយា
ចេកទុំមួយស្និត ត្បិតអីចៅក្រ
លើកថ្វាយអង្វរសុំពរមេបា
ដូនម៉ៅពេជ្រនិល ពពិលផ្កាស្លា
ថ្ងៃចៅរៀបការទៅប្រោះព្រំផង
ជើងភ្នំពេជ្រនិល ម្សិលផ្សងសច្ចា
ថ្ងៃនេះភ្លេងការ ខ្ញៀវខ្ញារអឺងកង
ក្រោមមេឃស្រឡះ ខែរះបំព្រង
ស្នេហ៍អូន និងបងដូចបំណងហើយ
ចេកទុំមួយស្និត ត្បិតអីចៅក្រ
លើកថ្វាយអង្វរសុំពរមេបា
ដូនម៉ៅពេជ្រនិល ពពិលផ្កាស្លា
ថ្ងៃចៅរៀបការទៅប្រោះព្រំផង
ជើងភ្នំពេជ្រនិល ម្សិលផ្សងសច្ចា
ថ្ងៃនេះភ្លេងការ ខ្ញៀវខ្ញារអឺងកង
ក្រោមមេឃស្រឡះ ខែរះបំព្រង
ស្នេហ៍អូន និងបងដូចបំណងហើយ
