•• مها فتوني ••
•• الصبر جميل ••
•••• music ••••
أنا شفت كتير منك وخلاص أهو فاض بيا
معقول كدا عآدي وسهل عليك تظلم فيا
ودا قلبك إيه أصلي مشوفتش عندك إحساس
إزاي في الدنيا فيه ناس كده قاسيه ومؤذية
أنا شوفت كتير منك ياللي عليا إستقويت
وإنت مبطلتش توجعني يوم وإستكفيت
بتنام إزاي وإنت يا ساتر مليان جبروت
الله لا يسامحك على جرحك ولا كسرك ليا
الصبر جميييل
وأهو بكرة تشوف ويجيلك يوم والوقت كفيل
هيجيب حقي دي دعوة مظلوم ودعيتها عليك
من قلبي بقيت كارهاك بضمير داين ف تدان
أومال يعنى إنت مفكر إيه ودا درس زمان
إنت مذاكره و بتسقط فيه
مش قسوة دي مني وتستاهل أكتر بكتير
•••• music ••••
هستعوض ربنا في الوقت المهدور وياك
وهكون كسبانه مادام قدام هتفادى أذاك
والله دا عدل وعين العقل إنك تتساب
لو هدعي عليك صدقني دا حقك مش ظالماك
دا إللي أنا جربته معاك اعذرني مبرجعلوش
وهقول لو جابوا ف يوم سيرتك لا معرفهوش
وأهي صدمة تفوت مين قالك أموت معلش دا خير
وفهمت أنا غلطي وهطلع عاقله مكررهوش
الصبر جميييل
وأهو بكرة تشوف ويجيلك يوم والوقت كفيل
هيجيب حقي دي دعوة مظلوم ودعيتها عليك
من قلبي بقيت كارهاك بضمير داين ف تدان
أومال يعنى إنت مفكر إيه ودا درس زمان
إنت مذاكره و بتسقط فيه
مش قسوة دي مني وتستاهل أكتر بكتير
•• النهـــاية ••
