بسرح واتوه في الذكريات
وبعيش حياة ويّا اللي فات
اشخاص اماكن كل شيء
حاجة توديني لحاجات
حكايات مواقف كلها
في الماضي دي انا عشتها
كل لما اغمض عيني اروح
لسنين سابتني وسيبتها
كل لما اغمض عيني اروح
لسنين سابتني وسيبتها
ليه بحبها ماهي ماضي عدّى وانتهى
وإن سيبتها تمشي بترجع وحدها
وساعات انا بشتاقلها فاندهلها
ليه بحن ليها واعيش عليها
مفيش اجابة عرفتها
انا عمري كام
علشان تكونلي الذكرى
أسلوب حياة
دماغي فيها مليون شريط
ماضي قديم من دا ودا
ده انا كنت عيل من يومين
ودخلت أنام
صحيت لقيت العمر عدّى
مخدنيش معاه
بسرح واتوه في الذكريات
وبعيش حياة ويّا اللي فات
اشخاص اماكن كل شيء
حاجة توديني لحاجات
وفي السنين انا مش كبير
وشعري اسود زي ليل
والليل ما بيعديش طويل
مفهوش هروب من الذكريات
ليه مليش في بكرة وليه بتوه
ليه مليش في حلم بترسموه
بسرح فلاقي الذكرى بس
وفيها بلقى انا يومي أمس
غير يومكوا ده اللي بتعيشوه
الذكرى واخداني لمكان
ايام زمان
وقت الفرح وقت الهنا
انا وسط بكرة مليش وجود
في الذكرى بس بكون انا
برجع في غمضه عين سنه
وسنه فسنه انا ببقى انا
عيل بيهوى الدندنة
احلامه سهلة وممكنة
وعشان كده انا من هناك
انا بنتمي للذكريات
ومليش مكان بينكم هنا
بسرح واتوه في الذكريات
وبعيش حياة ويّا اللي فات
اشخاص اماكن كل شيء
حاجة توديني لحاجات
بسرح واتوه
