اللي بينا مش كلام
ده اللي بينا حب خام
عارفين معنى الصداقة عايشنها براءة
في الشدة الجراءة بتظهر قوام
أحلى صحبة وأحلى ناس
في الأصول إحنا الأساس
يعني الشلة الجميلة اللي تحسبها عيلة
وبنسهر كل ليلة مش ليلة وخلاص
الدنيا معانا جاية
مش واسطة ومحسوبية
عسلية ومية مية
سالكين و ولاد حلال
يجمعنا ماتش كورة
واخذين مع بعض صورة
وهنكتب ع السبورة
تدومي يا راحة البال
اللي مش عاجبنا ما نبصش عليه
ولو إنت مش حابيبنا فبراحتك يا بيه
اللي مش عاجبنا ما نبصش عليه
ولو إنت مش حابيبنا فبراحتك يا بيه
ولو إنت مش حابيبنا فبراحتك يا بيه
إحنا جيل مش أي جيل
في الحياة ما لناش بديل
بنتبت في السعادة لو ندفع زيادة
ليه نشربها سادة ما السكر كثير
لينا في كل حتة سيط
سرنا في بير غويط
واخذين قرار إزالة في حق الندالة
دماغنا شغالة ما نحبش وسيط
إحنا الحلو اللي فينا
بيلم الناس حوالينا
أما اللي بيجي علينا
كارت أحمر مش إنذار
من ناحية الشطارة
أسامينا في الصدارة
عاملين في الدنيا غارة
سمعتنا ضرب نار
إحنا اللي مش عاجبنا ما نبصش عليه
ولو إنت مش حابيبنا فبراحتك يا بيه
إحنا اللي مش عاجبنا ما نبصش عليه
ولو إنت مش حابيبنا فبراحتك يا بيه
ولو إنت مش حابيبنا فبراحتك يا بيه
