最好聽教咁就乖

佢呀媽由佢細個咁樣慢慢再教到大

最怕佢細個會學壞 先冇俾佢出咁多街

再怕佢報錯晒學校 佢呀媽嘅興趣佢都學晒

Uh 跟住條龍就升大學

冇理咁多 讀到邊科 咪讀冇個學位咁先大鑊

冇理過 日做夜做 就用盡力去拼搏

冇嘢怕 最怕個呎價要買樓要執幾個

嗯 佢冇理 冇理政局

最多 add 下女 開下嗰個 Facebook

句句話係冇架喇 做落就知道冇變數

仲勸我咪太燥 預咗俾個框擺佈

嗯 佢嘅決定就係註定去信命

定係佢要照住去 由佢三歲到八十歲

我問佢「你估呢度仲有冇得變丫嗱?」

佢話「邊有得變丫 我諗都未必架喇」

如果係屋村長大

就好似我呢個朋友 細細個通山走 通山嗌

佢嘅父母當年未做好準備

只係選擇咗 點都要生佢出蒞

成家都早出晚歸 佢冇得攤係屋企

就有晚飯食 所以佢先學識煮飯仔

最怕佢落第 咪報個設計學藝

返下 part time 揾使費 細佬先夠交學費

佢話佢都相信夢想

只係對佢冇保障 咪唯有俾市場導向

嗰世界變了樣 也要發奮向上

佢相信可改變 個個都打慣硬仗

佢知政策嘅每件事 都關佢事

之但係每次唔開工就 OT

但係當佢朋友 話呢度都好似 未必有得變

佢就話 「唔係未必 係 maybe 嘅」

仲有一個一齊大

佢要買嘅吉他 漫畫 figure 品牌 乜都買齊晒

嗰世界咁大 都總算開過眼界

佢慶幸一家都算見怪不怪

佢有試過做過下街童 間中返下工

唔洗靠佢 買飯餸 咪可以發下 白日夢

佢哋一家人住睇落都算輕鬆

但係搞得自己生意都要供奉土哋公

到公司有賺 升職加薪個個 happy

但到赤字 嗰時就知 發生乜事

有挫折嘅我也會試過去埋怨

咪過意 各有各嘅係難處

佢話人各有前因 遭遇同乾坤

每個抉擇影響緊大運延伸

但係當我問 呢度有冇得變 係未必 定 maybe

佢話「有機會就試 結果係點 未知架」