Ki Mohammad se wafa tune to ham tere hain

Ye jahan cheez hai kya lauh o qalam tere hain

Ki Mohammad se wafa tune to ham tere hain

Ye jahan cheez hai kya lauh o qalam tere hain

Ham se pahle tha ajab tere jahan ka manzar

Kahin masjood the patthar kahain mabood shajar

Khugar e Paikar e Mahsoos thi insan ki nazar

Manta phir koi andekhe khuda ki kyun kar

Tujh ko maloom hai leta tha koi naam tera

Quwwat e Baazoo e Muslim ne kiya kaam tera

Ham to mayel ba karam hain ko sayel hi nahin

Raah dikhlayen kise rahr e manzil hi nahin

Tarbiyat aam to hai johar e qabil hi nahin

Jisse t’ameer ho Adam ki ye wo gil hi nahin

Koi qabil ho to ham shan e kayi dete hain

Dhundhne walon ko duniya bhi nai dete hain

Ki Mohammad se wafa tune to ham tere hain

Ye jahan cheez hai kya lauh o qalam tere hain

Then hame ek tere marka araon me

Khushkiyon me kabhi ladte kabhi dariyaon me

Din azane Europe ke kalisaaon me

Kabhi Africa ke tapte huye sehraaon me

Shan aankhon me na jachti thi jahan daron ki

Kalmah padhte then ham chhaaon me talwaron ki

Manfat ek hai is qaum ki nuqsan bhi ek

Ek hi sab ka Nabi deen bhi imaan bhi ek

Haram paak bhi Allah bhi Quran bhi ek

Kuchh badi baat thi hote jo musalman bhi ek

Firqah bandi hai kahin aur zaate hain

Kya zamane me panapne ki yehi baaten hain

Ki Mohammad se wafa tune to ham tere hain

Ye jahan cheez hai kya lauh o qalam tere hain

Ummaten aur bhi hain un me gunahgar bhi hain

Ajr wale bhi hain mast maye pindar bhi hain

In me kahil bhi ghafil bhi hain hoshiyar bhi hain

Sainkdon hain ke tere naam se bezar bhi hain

Rahmaten hain tari aghyar ke kashanon par

Barq karti hai tu bechare musalmanon par

Shor hai ho gaye duniya se musalman nabood

Ham ye kehte hain ke the bhi kahin muslim maujood

Waza me tum ho nasara to tamaddun me hanood

Ye musalman hain jinhen dekh ke sharmaye yahood

Yun to sayyad bhi h mirza bhi ho afghan bhi ho

Tum sabhi kuchh ho bataao musalman bhi ho

Ki Mohammad se wafa tune to ham tere hain

Ye jahan cheez hai kya lauh o qalam tere hain