Aye Rahe Haq Kay Shaheedo

Aye Rahe Haq Kay Shaheedo, Wafa Ki Tasveero

Tumhe Watan Ki Hawain Salam Kehti Hain..

Aye Rahe Haq Kay Shaheedo

Lagane Aag Jo Aaye The Aashiyane Ko

Wo Sholay Apne Lahoo Se Bujha Diye Tum Ne

Bacha Liya Hai Yatimi Se Kitne Phoolon Ko

Suhag Kitni Baharon Ke Rakh Liye Tum Ne

Tumhe Chaman Ki Fazaaein Salam Kehti Hain

Aye Rahe Haq Kay Shaheedo

Chalay Jo Hoge Shahadat Ka Jam Pi Kar Tum

Rasool e Pak Ne Banhon Mei Le Liya Hoga

Ali Tumhari Shahadat Pe Jhoomte Honge

Hussain Pak Ne Irshad Ye Kiya Hoga

Tumhe Khuda Ki Razaen Salam Kehti Hain

Aye Rahe Haq Kay Shaheedo

Janab e Fatima Jigar e Rasool Ke Aage

Shaheed Ho Ke Kiya Maan Ko Surkhuru Tum Ne

Janab e Hazrat e Zainab Gawahi Deti Hain

Shaheedo Rakhi Hai Behnon Ki Aabroo Tum Ne

Watan Ki Betiyan Maayen Salam Kehti Hain

Ae Rahe Haq Ke Shaheedo, Wafa Ki Tasveero

Tumhe Watan Ki Hawain Salam Kehti Hain..