رفع وهندسة
تمـMoHaMeDـره
لقيت الدنيا حالفه ماتدي مفتاحها
لقلبي وشايله ناس خاينين على جناحها
اخبط مهما اخبط برضه مقفوله
ويجي خسيس بكل سهوله يفتحها
بتقوى الدنيا كل ما تكتشف خوفي
وذنبي اني اتولدت يتيم ودي ظروفي
ولو شراني يعني تبقى مبسوطه
هكون قدك يا دنيا وبكره هتشوفي
غطايا الستر وقت الشده ولحافي
وهمشي في سكة الخير حتى لو حافي
بنقاص مال حرام لو كان مفيش غيره
ورأس مالي بقا الرضا بالقليل كافي
عزيز النفس عمري ماينكسر عودي
وصعب الشر يظهر تاني في وجودي
ولو شراني يعني هتبقي مبسوطه
هكون قدك يا دنيا وبكره هتشوفي
لعبت اللعبه وياهم بأسلوبي
عجبت لكل لما طلعت من توبي
وكان ناقص كمان ابليس يصفقلي
وبكسب بس مال وزياده في ذنوبي
مشيت في الشر يمكن اكون غلطت في يوم..؟؟
مفيش حد النهارده من الغلط معصوم
ومين فينا الشيطان معرفش يوصله
لكن بس الجدع اللي بيوقع ويقوم
غطايا الستر وقت الشده ولحافي
وهمشي في سكة الخير حتى لو حافي
بنقاص مال حرام لو كان مفيش غيره
ورأس مالي بقا الرضا بالقليل كافي
عزيز النفس عمر ماينكسر عودي
وصعب الشر يظهر تاني في وجودي
ولو شراني يعني هتبقي مبسوطه
هكون قدك يا دنيا وبكره هتشوفي
تمـMoHaMeDـره
