kua txob ntsuag nos

1,2,3

Tsob me kua txob

Poob noob tuaj saum npoo av

Nws tsis muaj dej muaj nag

Los ywg kom nws loj hlob

li tsob kua txob

uas ib txwm nyob muaj tswv

muaj tug qa dej los ywg

kom nws tawg paj txi txiv

tsob me kua txob

poob noob tuaj rau tom teb

yuav tos luag ib tshob dej

los ywg nws tsis yooj yim

av qhuav av nkig

tiv tshav ua hnub ua hli

thiaj tsis yooj yim

qhov yuav tawg paj txi txiv

yus lub neej pluag

tsis muaj tug pab txhawb qa

ces yeej poob qab

tshaj plaws yus tej phooj ywg

lam siab ntev tiv

phem zoo tsis txhob yeem swb

muaj ib hnub twg

thiaj txi tau txiv li luag

tsob me kua txob

tsis muaj dej chiv los rau

hnub twg tawg paj nra paug

luag mam ntsia koj muaj nqis

lam siab ntev tiv

nyob nrog daim av qhuav nkig

nrhau tau cag...txi tau txiv

thiaj li ruaj khov..rau yus ib txhis

lauj muas tso

1,2,3

yus lub neej pluag

tsis muaj tug pab txhawb qa

ces yeej poob qab

tshaj plaws yus tej phooj ywg

lam siab ntev tiv

phem zoo tsis txhob yeem swb

muaj ib hnub twg

thiaj txi tau txiv li luag

tsob me kua txob

tsis muaj dej chiv los rau

hnub twg tawg paj nra paug

luag mam ntsia koj muaj nqis

lam siab ntev tiv

nyob nrog daim av qhuav nkig

nrhau tau cag...txi tau txiv

thiaj li ruaj khov..rau yus ib txhis