By lamine_bttالدنيا تضحك وتبكي......!
الدنيا تضحك وتبكي ولا سعفتها يا انسان
الا ماربحتش تعيش مهني و في قلبك ديما فرحان
احمد ربي .السر مخبي وخذ ماعطالك الرحمان
حمد ربي في كل يوم هو الغني هو اللي يدوم
سبحان مولانا القيوم هو اللي بين البرهان
دنيا فيها كل هموم فيها الفايق فيها المخدوم
لازم تعرف كفاش تعوم يالوكان في بحر الطوفان
قالوعليها بنت المكي خطرة تردك شبعان وخطرة تردك جيعان
حمد ربي صلي وصوم ترجع كي الوردة في المشموم
بلاك ليطيح عليك السلوم شحال جازو قبلك شجعان
دنيا تمشي بالعلوم بلاك تنعس بلاك تنوم
ياك الحركة والسكون الا باذن الرحمان
قالو عليها بنت المكي واللي مزالو فيها نعسان مازالو هايم في البلدان
ياللايم لازملك تقوم هذا الشي اللي قلتو مفهوم
بلاك ادير علي اللوم فهم كلامي يا انسان
طير الحركي يرجع محكوم يعرف بللي وعدو محتوم
هذا السعد مع الميمون في هذالدنيا ربع اركان
قالوعليها بنت المكي واحد تردو زعفان أو واحد تردو فرحان. شعبي عندو ناسو
