مات الوفا مات الامل مات الاحساس
ماتت اماني ضايعة في يديني
عشت الغريب اللي فقد عز مجلاس
عشت اليتيم اللي فقد كل زيني
معها جعلت الحلم عقد من الماس
ابغى احقق واقعي ساعديني
الى متى وانا انتظر لوعة الياس
واشرب فناجيل الضما ياحنيني
بنيت حبي لك ساس على ساس
الى متى وانتي بذا تجهليني
اخلفت لي ثاق الغلا قلت لا باس
بعطيك ماتبغى ولو شوف عيني
شربت مر الكاس واسقيتني كاس
مدري جهل والا انك ازريت فيني
مات الوفا مات الامل مات الاحساس
ماتت اماني ضايعة في يديني
