Leng der der thangvan zauvah,

Par tin zu lawr phengpheleng;

Thlum tin chhim tlai nilenin,

Zal nan run a chham si lo.

Theih chang ve se len thiama'n,

Ṭuangṭuah par an vul lai ni;

Chhunrawlah va ring i la,

Hringnun sual hnutiang chhawnin.

Chhun nipui sensa hnuaiah,

Thlir chang thinlai tihlimtu;

I sakruang ze tin ṭial mawi,

Par zawng nen an mawi mang e.

Theih chang ve se len thiama'n,

Ṭuangṭuah par an vul lai ni;

Chhunrawlah va ring i la,

Hringnun sual hnutiang chhawnin.

Phengphe nunnem leh zaidam,

Vahkhuai, tho leh hmiripa'n;

Par zu dawn za thlir changin,

Hringnun hi ka ṭahpui ṭhin.

Theih chang ve se len thiama'n,

Ṭuangṭuah par an vul lai ni;

Chhunrawlah va ring i la,

Hringnun sual hnutiang chhawnin.

Phengphe nunnem len thiami,

lo leng leh la kan runah;

Kei ariang leh par mawite,

I ngaiin kan kiu vawng vawng.

Theih chang ve se len thiama'n,

Ṭuangṭuah par an vul lai ni;

Chhunrawlah va ring i la,

Hringnun sual hnutiang chhawnin.