حسنها غطاء الديره
jaber رفع وتنسيق
اقبلت تمشي بالهون اميره
بالوصايف والدلع مثيره
عطرها مسكن وكادي
من نظرها سببت له حيره
حسنها غطاء بنات الديره
زينها بالحيل زادي
تاه عقلي ثم ضاع الفكري
حركت بالزين هاجس صدري
باللحون اللي جدادي
لا ناظرت بالحسن دايم تسحر
والخلايق فيها دوم تبحر
كن ما فيهم ركادي
حسنها الطاغي وهي مغروره
القمر والوجه كنه صوره
من مثلها فالبلادي
الحسان تغار من طلتها
شيخةً بالزين في وقفتها
طرفها فيه السهادي
يوسفيه بالجمال الباهي
اجتمع فيها النسب والجاهي
مطلبي هي والمرادي
يا قمر ضوح علينا نورك
فوق متنك طايح منثورك
انتي قلبي والفوادي
خصرك الميال عذب روحي
والثناياء جددت لي اجروحي
والشعر زايد سوادي
الشهد يسكن ثناياء فمها
والحلا يجري بداخل دمها
زينها في كل نادي
عينها فيها حور قتالي
والشفايا شهد فيه الحالي
يحفظك رب العبادي
لو تناظر عينيها كالنجلا
وبالوصايف هي دوم خجلا
ناعسه مدري رقادي
وعنقها عنق الظبي من زينه
طولها يسبي العقل من حينه
عشت يا ريم البوادي
فوق صدرك يعجز الوصافي
ويتعذر في وصوفه قافي
حسنها ماهو بعادي
البطن ضامر لحقه امجاعه
والصدر بازر فيه الشجاعه
والنحر برق ورعادي
النحر يلمع بالزين ويبرق
للعيون الناظره هو يسرق
والخشم سيفً حدادي
