ما أحس الا شعوري يوم حسيته معاك

كل شيء منصب فيه وله ومنه وانعميت

فكري الي طار فيك وما لقى فكرة بلاك

كلما أبعدت عني ماتت الضحكة وبكيت

مرتبط فيك بطريقة ماهي عادية تراك

أكثر إنسان أهتويته م اعتقد مثله هويت

لا ظنوني نافعتني يوم تحكي من وراك

تنتشلني من هيامي وآنا واحد ما قويت

أستعين بقرب روحك وأحتمي ب مالي سواك

وأسهر آعد الليالي بين دمع وبين ليت

كل يوم يمر دونك حرب تاليها هلاك

تنتهي أحيان لا من جيت في بالي وطريت

ولما تقبل بابتسامة أرجع اتنفس هواك

ويحتضر حزني بحضنك ما كأن صار وشكيت

طمن الروح وتعال وإسقني من عذب ماك

لا تخليني ضحية لأني بعدك ما حييت

ما أحس إلا شعوري يوم حسيته معاك

كل شيء منصب فيه وله ومنه وانعميت