Ab ke tajdīd-e-vafā kā nahīñ imkāñ jānāñ
Ab ke tajdīd-e-vafā kā nahīñ imkāñ jānāñ
Yaad kyā tujh ko dilāeñ tirā paimāñ jānāñ
Ab ke tajdīd-e-vafā kā nahīñ imkāñ jānāñ
Yūñhī mausam kī adā dekh ke yaad aayā hai
Yūñhī mausam kī adā dekh ke yaad aayā hai
Kis qadar jald badal jaate haiñ insāñ jānāñ
Ab ke tajdīd-e-vafā kā nahīñ imkāñ jānāñ
Dil ye kahtā hai ki shāyad hai fasurda tū bhī
Dil ye kahtā hai ki shāyad hai fasurda tū bhī
Dil kī kyā baat kareñ dil to hai nādāñ jānāñ
Ab ke tajdīd-e-vafā kā nahīñ imkāñ jānāñ
Ham bhī kyā saada the ham ne bhī samajh rakkhā thā
Ham bhī kyā saada the ham ne bhī samajh rakkhā thā
Ġham-e-daurāñ se judā hai ġham-e-jānāñ jānāñ
Ab ke tajdīd-e-vafā kā nahīñ imkāñ jānāñ
