Yenə düz olan çox az şey var

Aç pəncərəni, şəhərə bax

Mənə hər yan boz, hər yan sıxıcı

Təbəssümə dodaqlarım tox

Bir gün xoşbəxt, bir gün üzgün

Bilmirəm, nədir səhv, nə düzgün

Hər şey yaxşıdır deyəndə belə

Həqiqəti mənə göstərəcək güzgüm

Qoydum çantama bir ümid

Həyata sevgi

Anladım ki, hər şey mənim öz əllərimdə

Evdən qaçdım, küçələr evim

Bu həyat bir gün

Dünya dönsün mənimçün qoy vərəqlərimdə

Gündüzüm hədər olub, gecələrim təsəlli

Həyat bir əyləncəydi, sevincini mən sevdim

Ətraf süni gülüşlər, təkcə mənəmmi qəmli?

Hər şey sanki ağ-qara, yalnız yuxular rəngli

Mənə fərq etmir, qalacaq adım, ya yox

Bir addımlıq yoldur həyat

Tarix kitablarına həkk olacaq qədər

Bilirəm, istedadım da yox

Bir mən varam, bir alın yazım

Ağ-qara vərəqəm, hər yanım yazı

Məni silkələsən, töküləcək istək

Kağız, qələm uğurun kompası

Görürəm uzaqdan bir xəyal

Həyat bir otaqlı evə bənzər

Yeni yoldur xəritəm bəmbəyaz

Sevgi əşya kimi günləri bəzər

Gündüzüm hədər olub, gecələrim təsəlli

Həyat bir əyləncəydi, sevincini mən sevdim

Ətraf süni gülüşlər, təkcə mənəmmi qəmli?

Hər şey sanki ağ-qara, yalnız yuxular rəngli