و اديني سيبته و شفت اهو محصلش حاجة
و الوضع فعلاً مختلفش في اي حاجة
باكل و اضحك بشتغل و اعمل كل حاجة
لا لا مش زعلانة و كئيبة
مش ماسكة صورته و بتقهر زي العبيطة
ولا ماشية و بخبط دماغي في كل حيطة
مبردش على اللي يقولي كلمة جت بسيطة
بعدك مش متصنف مصيبة
بالعكس حتى انا حاسة مرتاحة و سعيدة
مطلعش انها حاجة وحشة اعيش وحيدة
هبدا حياتي بصفحة فاضية و لسة بيضة
و بشنطة شخصيات جديدة
انا عارفة انه زمانه ماشي يقول عليا
انا واحدة شريرة و قوية و مفترية
شايفين يا ناس الست دي عملت ايه فيا
كدبك سامعاه من وانا بعيدة
اسلوب كلامي طبيعي هيحير شوية
انا قاسية ولا ده كله من كتر القسية
لو حد عايز يعرف من فينا الضحية
يسال عن مواقفنا القديمة
مقدرش انكر اني لسة في جزء فيا
بيقولي طب كنتي استنيتي عليه شوية
متمثليش انك عايشة طبيعي و عادية
متمثليش انك سليمة
بالعكس حتى انا حاسة مرتاحة و سعيدة
مطلعش انها حاجة وحشة اعيش وحيدة
هبدا حياتي بصفحة فاضية و لسة بيضة
و بشنطة شخصيات جديدة
انا عارفة انه زمانه ماشي يقول عليا
انا واحدة شريرة و قوية و مفترية
شايفين يا ناس الست دي عملت ايه فيا
كدبك سامعاه من وانا بعيدة
