assalamualaikum
semeton bajang
semoga terhibur ya
Lek telage baet aik
Bisok udang lek tengak peken
Kupesaje lek kamu arik
Kamu doang ku pinak angen
Talet laos lek murin bale
Jari ragin dengan meriap
Ongkat raos jak mene bae
Laguk angen becerempang empat
Mulen maiq sik buak bagu
Ndek ne kawak buak sempage
Brembe entan adek meq sadu
Kubeliang teken permate
Beli dare arak lime
Begorok telu masih due
Emas permate ndek arak gune
Lamun angen ndek ne bagie
Ndak kulup buak perie
Buak perie ndarak pelante
Irup ndek ne cukup sik cinte
Ndarak harte irup sengsare
Kayuk polak jari teken
Jari teken tepinak bale
Sengsare awak sanggup kutahen
Sengsare angen ku jauk mate
terima kasih
