Армысың Ата-Әже, Қариялар

Елімнің шежіресі, дариялар

Армысың, Аға-жеңгей, белестерім

Ақылшым, маған берер кеңестерің.

Армысың, Құрбы ай-Құрдас, Жолдастарым,

Өзімнің бірге ойнаған Құрдастарым.

Осындай достарымның тойлаарында-ей

Өзімше осылай бір ән бастадым.

Атасы жақсы қандай-ды ау

Перзент қамын ойлайды

Перзентім адам болсын деп

Қылығына тоймайды.

Анасы жақсы қандай-ды ау

Қамқорлығы таудай-ды

Қалқам деп шықса алдыңнан

Кеудеңде қайғы қалмайды оу

Ағасы жақсы қандай-дыы ай

Алдыңда асқар таудай-ды ай.

Сүйінгенде сүйініш, құлағанда қолдайды

Інісі жақсы қандай-ды оу

Айтқан бір тілді алғай-ды

Ақылменен іс істеп

Бетіңе күйе салмайды оу.

Қарындас деген мейман дос

Сірә да қапы қалмайды,

Қиын іс түссе басыңа

Туысқан қамын ойлайды оу.

Жеңгесі жақсы қандай-ды ай

Шаршап бір келсең жұмыстан

Төсегін қалың салғай-ды ай

Келіп тұрса ашуың

Айналайын Мырзаш деп

Басыңнан сипап алдайды оу.

Ағайын жақсы қандай-ды оу

Туысқандығы қалмайды

Жездесі жақсы қандай-ды

Әкеден кемі болмайды оу.

Нағашы жақсы қандай-ды оу

Үзілген жерде жалғайды

Жиені жақсы қандай-ды

Бөліп бір жеген нандай-ды оу

Осының бәрі бар болса,

Есен де аман сау болса

Айналайын, жақсылар

Бақ-дәәулет келіп басыңа

Өзі оралып қонбай ма?

Игигигай игигигай игигигай игигигай ооу

Игигигай игигигай игигигаай .. игигигай ооу