Koj ncaim kuv...tau ntau xyoo lawm tus hlub

Koj mus tau...leej Tub leej roog puas zoo

Luag puas hlub koj li thaum koj nyob nrog kuv

Tus hlub koj puas nco kuv lawm os

Cas kuv yuav nco koj uas luaj li

Ntuj tshav ntuj nag los nim nco tag

Kuv ntshai rwg tsam ces luag tsis hlub koj

Koj mus nyob ua lub neej ntxuag kua muag

Ho ntawm kuv... tseem nyob

Li tus puag... Thaum ub

Muaj koj... Nyob nrog kuv os tus hlub.

Koj mus uas lub neej tav ntuj li no

Luag puas hlub koj puas muaj kev txob txhawj

Koj lub neej puas zoo xws luag teb luag chaw

Tus hlub es luag puas xav hlub koj

Yam koj ntshaw ntshaw luag puas uas pub

Koj puas tau nyob puas tau so os

Puas noj qab pw tsaug os tus neeg zoo

Txog caij pw luag puas rub pam koj vov

Lub caij ntuj no luag puas puag koj pw

Li thauv yav ntuj koj nyob nrog kuv no os

Koj plooj siab ntsws puas noj qab haus huv

Lub neej thaum ub puas nco lawm os

Tav li no ntshe koj tsis nco lawm yom

Txoj kev hlub ntau xyoo wb tsis muaj tseg

Ntshe yuav rais uas tshav uas nag dhau lawm xwb

Tus hlub ntshe nw tsis muaj lawm os