Nco kuv me nraug hmoob

Nco tshav ntuj nrig

Kuv nyob tsis qab siab mus ua dab tsi

Lub siab quaj dhi

Xav cuag xav ntsib

Xav pw lis nthi hauv koj lub me xub ntiag

Nco tus neeg kuv hlub

Nco koj txhua hnub

Kuv lub siab quaj hu seev yees nco txog koj

Mov tsis nco noj dej tsis nco haus

Xav kom tau nyob nrog nraim ntawm koj ib sab

Suav rawv lub caij nyoog hnub twg mam ntsib

Tos hnub ntsib koj ib hnub ntev npaum ib hlis

Tos ib lub hlis ntev npaum ib xyoos

Tus me neeg zoo hnub twg mam tau rov ntsib

Nco kuv me nraug seev siab seev yuj yees

Yuj lis plaws tuaj mus nrhiav tuaj mus cuag

Nco nco koj pw los tsis tsaug zog

Lub siab ntxhov nyho tsis qab siab mus khwv noj

Nraug hmoob tus kuv nco

nco koj txhua hmo

Nco tag lub siab nrho tsis pom qab nyob

Siab ntsws lwj tsus tsis paub ua neeg

Nyob tsis tsheej zaum tsis tswm zoo li yuav vwm

Suav rawv lub caij nyoog hnub twg mam ntsib

Tos hnub ntsib koj ib hnub ntev npaum ib hlis

Tos ib lub hlis ntev npaum ib xyoos

Tus me neeg zoo hnub twg mam tau rov ntsib