طروني ليك وأنا كنت قايل إني ما بطراگ تاني
كنت فاكر طول فراقك يمحي ريدك من زماني
إلا تاري البينا لسه ،، لا نسيتو ولا نساني
وفجأة إتذكرتو ريدنا والزمان الكان معاكا
المشاوير والأغاني والفرح آهـ ساعة لقاكا
حتى قلبي القال نساكا مالو زي الما نساكا
صحَّ جرح الماضي تاني ومن جديد هسع بكاكا
وإبتديت من تاني أندم زي كأني كنتَ ظالمك
لومتَ نفسي وقلت يا ريت لو ظروفنا تلم وأكالمك
وأحكي ليك أنا كيف ظلمتك لما جيت غلطان ولايمك
ورغم طول الفرقة بينا إشتهيت لو بس أسالمك
