مهمومة يــا خيي مهمومة
مهمومة هاذ الدنيا مهمومة
مهمومة يــا خيي مهمومة
مهمومة هاذ الدنيا مهمومة
فيها النفوس ولات مضيومة
ولى بنادم عباد اللومة
المسكين ف همومو ساير يْلاَلي
عايم ف لفقايص عومة محمومة
مهمومة يــا خيي مهمومة
مهمومة هاذ الدنيا مهمومة
شي مفتون بمالو ساير يتعالى
لايح الرّْزَانْا ف قهاوي محرومة
هايم ب لقصاير وليلات تلالي
الخرفان مذبوحة والبنات مغرومة
مهمومة يــا خيي مهمومة
مهمومة هاذ الدنيا مهمومة
"139822"
لا حرمة بقات لا دين لا عبادة
خرجات الشهادة من قلوب معلومة
كيسان مكبوبة والخمر الغالي
حَيَّاني آش دَّانا لفعايل مذمومة
مهمومة يــا خيي مهمومة
مهمومة هاذ الدنيا مهمومة
عمرو لحباسات ب طفال مهمومة
ماتــو الرجال ب رسايل ملغومة
عمرو لسواق ب ردايل الفانِية
تبنات لبيوت ب فحايش مسمومة
مهمومة يــا خيي مهمومة
مهمومة هاذ الدنيا مهمومة
لا شوري بقات كل لفواه مزمومة
ويد الطاغي عل لوجه مرسومة
نْوّْح ْيا غراب هاد العالم مسالي
من زمان قالو مات والنوايح مقيومة
مهمومة يــا خيي مهمومة
مهمومة هاذ الدنيا مهمومة
مهمومة يــا خيي مهمومة
مهمومة هاذ الدنيا مهمومة
