_Vim Kuv Hlub Koj_

Txhob muab tus kheej

xav tias zoo dhau

Cov neeg xav tau koj

yeej muaj coob

Koj suav tsis txhij

xam los tsis thoob

Koj yuav ua zoo li cas los tau

qhov kuv uv koj

tag los uv thiab

Vim hauv lub siab

ib txwm muaj koj os

Ua nkauj ua nraug

ntev xyoo tav no

Tsis xav kom plam

koj mus lawm os

Yog muab xav txog

qhov koj ua phem

qhov koj cem cem

qhov koj tsim kuv

Ces kuv twb mus

lawm pes tsawg xyoo

Vim yog hlub koj

kuv thiaj li nyoos

Txhob xav tias ntshe

kuv mus tsis tau

Vim laj pib tau

txoj kev hlub tshiab

Swm pas swm ntxhiab

nrhiav tsis yooj yim

E thiaj lam tiv

tsis tau ncaim mus.......

Yog muab xav txog

qhov koj ua phem

qhov koj cem cem

qhov koj tsim kuv

Ces kuv twb mus

lawm pes tsawg xyoo

Vim yog hlub koj

kuv thiaj li nyoos

Yog koj tsis muaj

siab hlub kuv tiag

Ua zoo hai qhia

kuv mam li mus

Tos los tsis tau koj

nplooj siab hlub

Cia kuv mam mus

txhob khuam koj kev