,زارني عقب العشاء,
زارني عقب العشاء طيفٍ يقول
انتبه يا شوق مثلك ما ينام
لو دريت ان ما حصل شيً يهول
كان حاربت الكرى تسعين عام
نجــــمng
جعل تدهاك الدواهي وش تقول
وش لفانا اليوم من زود الكلام
قال أنا مريت يوم السبت ضول
عـند بابه للرعـابيب ازدحـام
نجــــمng
واسمع امه عند تفصيخ الحجول
والطوايق شققوا منها احرام
وشوف عيني يوم قفوا به جحول
عـزوةٍ ما بين خـاله والعـمام
نجــــمng
واحفروا له حفرةٍ بالخــد طــول
طولها والعرض شبرين تمام
شوف عيني والضبا عنده تجول
باغـياتٍ المـوادع والســلام
نجــــمng
والطـيـور الطـايرة فوقه تجــول
فوق قـبـره كاتفـاتٍ كالغمام
زارني عقب العشاء طيفٍ يقول
انتبه يا شوق مثلك ما ينام
لو دريت ان ما حصل شيً يهول
كان حاربت الكرى تسعين عام
ID 62012045481
