اجمل لحون الشعر قامت تناديك
و انتا تكابر ماتفكر تجينا
اقول وين الوصل وتقول ياتيك
هذا شهر وش عاد باقي علينا
تغيب وكابد غيابك وحاتيك
دمك ثقل ما عادك اتحس فينا
ماعادك اتداري هوى بال مغليك
اللي عطاك من الغلا ياسمينا
ماعاد بك رحمه عسى الله يهديك
وين الوعود الضايعه من ايدينا
ووين الغرام ووين حبك وماضيك
الله واكبر وين ذيك السنينا
واليوم اقضي ضيقتي في رجاويك
ولا هان قلب في هواه ابتلينا
ليه اتغلا يوم انا ميت فيك
ان كان ماودك تجي لا تجينا
ليا نويت الصد ماني براجيك
والله لنا والله معك ل انتيهنا
