"ယဥ်တကိုယ်မိုး"
ဗလ
ရင်မှာတမင်လာရွာတဲ့မိုးလား
အလည်လွန်သူရဲ့ခြေဆန့်ခရီးလား
တုန်ရီနေပြီ အမှတ်တရနိမိတ်ပုံထဲ
အရင်လိုပုံပြင်တွေပြန်ကြားနာ
ဒဏ်ရာဆိုတာကိုယ့်ရဲ့နှလုံးသား
မယုံတော့ဘူးလို့ လုံအောင်ငြင်းချက်ထုတ်နေလဲ
နေရာတကာရွာချင်တဲ့မိုးလား
တစ်ကိုယ်စာစိုရုံသွန်းရွာ
နှစ်ကိုယ်တူကမ္ဘာအတွက်မိုးမလား
တစ်ကိုယ်စာယဉ်ရုံသာ ရွာလိုက်တော့မိုး …
မေရေအပြင်မှာရွာတဲ့မိုးလို
ကိုယ့်အနားလာပြီးတိုးကာရွာ
မေရေအပြင်မှာရွာတဲ့မိုးလို
ကိုယ့်အသည်းအိမ်ထက်သွန်းကာရွာ
မေရေအကြင်နာရှာတဲ့မိုးလို
ခိုနားလာတော့ကိုယ့်တစ်ကိုယ်စာ
ယဉ်တစ်ကိုယ်မိုးရာ
ယဉ်တစ်ကိုယ်မိုး…… အို့ဟိုး
ယဉ်တစ်ကိုယ်မိုး ………
#####
နွေတမန်စေညွှန်ရာမိုးလား
မသေချာသူကိုသက်ညှာ
တိမ်ဆိုင်တွေရဲ့မှိုင်းညို့မှုတွေထဲ
အပေါ်ယံအဖြေလွှာဒီပုစ္ဆာ
ညင်သာစွာသူလေအုပ်မိုးအလာ
အလွယ်တကူယူငင် အပူပင်ဆင့်လိုက်တော့မှာလား
နေရာတကာရွာချင်တဲ့မိုးလား
တစ်ကိုယ်စာစိုရုံသွန်းရွာ
နှစ်ကိုယ်တူကမ္ဘာအတွက်မိုးမလား
တစ်ကိုယ်စာယဉ်ရုံသာ ရွာလိုက်တော့မိုး …
မေရေအပြင်မှာရွာတဲ့မိုးလို
ကိုယ့်အနားလာပြီးတိုးကာရွာ
မေရေအပြင်မှာရွာတဲ့မိုးလို
ကိုယ့်အသည်းအိမ်ထက်သွန်းကာရွာ
မေရေအကြင်နာရှာတဲ့မိုးလို
ခိုနားလာတော့ကိုယ့်တစ်ကိုယ်စာ
ယဉ်တစ်ကိုယ်မိုးရာ
ယဉ်တစ်ကိုယ်မိုး…… အို့ဟိုး
အိုမိုး ……
အိုမိုး ……………
#####
