ياللي عشانكم كنت بحارب
وانتوا عملتوا معايا الواجب
أنا والله ما زعلان منكم
عادي ماهو أصل الدنيا تجارب
علطول من غير سلام
أنا جاي اسمعكم كلام
وعايز فيكوا حد تمام
يسكتني ويقولي خلاص
أصل الكلام على وجع
وعارف انو مفيكوش جدع
ومش سالكين وفيكوا البدع
وكنت فاكركوا أنا ولاد ناس
ياللي الكلام عنكم
تعالوا عشان هسمعلكم
وهحكي كتير وافتحلكم
وهتكلم وأقول مواضيع
ما بتعرفوش إخلاص
طلعتوا نزلتوا برده رخاص
ياريت ولا كلمة تاني خلاص
عشان دلوقتي أنا اللي هبيع
أنا قلبي شال منكم
واخد مقلب فيكم كلكم
ومتحاولوش أنا كرهتكم
بجد ومنكم مليت
حكايتكوا أنا كرهتها
قفلت أنا منكوا ومنها
يا أرخص ناس أنا عرفتها
وأرخص منكو ما لقيت
وعزة جلالة الله
هكون ضد اللي كنت معاه
مدام الكل رامي بلاه
وماشية ودايرة قلة أصل
أنا جاي وهوريكم
ويمكن من جديد أربيكم
أعذبكم وهلعب بيكم
وهعمل كل فصل وفصل
أنا جرجي مش هنساه
هخونكم من الألف للياء
استنوا وصبركم بالله
واحد واحد وبالترتيب
هتشوفوا ده بعينكم
أنا لما أبيع أرتاح منكم
وحالف إني أحزنكم
وأسيبكم تحاسبوا عالمشاريب
لا مؤاخذة في اللي هقوله
هسيب جرحي اللي يلعب دوره
ومهما تلفوا ولاّ تدوروا
بجد خلاص ومتحاولوش
ده أنا كل يوم هأزيكم
وكل شوية هاجي عليكم
يارب في يوم يحوق فيكم
عارفكوا جماد ما بتحسوش
بتحوروا وتكذبوا
كلامكم كله بستعجبه
معانا بتاكلوا وبتشربوا
ومن جواكوا مش صافين
ده أنا ياما خدت ايديكم
وكنت بشدكم واعليكم
متنسوش إني خيري عليكم
ومهما عملتوا مش خالصين
وعزة جلالة الله
هكون ضد اللي كنت معاه
مدام الكل رامي بلاه
وماشية ودايرة قلة أصل
أنا جاي وهوريكم
ويمكن من جديد أربيكم
أعذبكم وهلعب بيكم
وهعمل كل فصل وفصل
أنا لسه عندي كتير
وبرده حسابنا لسه طويل
شوفولكم حد تاني يشيل
عشان لسه اللي جاي شديد
أيام زمان وحشتكم
ده أنا اتغيرت من وحشتكم
ولو في إيديا تاني اساعدكم
خلاص خلصت وحظ سعيد
