وحشني نفسي زمان أوي ووحشني أشوف
روحي مفيش فيها الوجع جايب ظروف
ووحشني بالي وهو رايق كل يوم
بس الهموم سايبالي حتى في ضحكي خوف
وخدتني وودتني ظروف الدنيا ورمتني
ولما الفرحة طردتني همومي بسرعة حضرتلي
مابقتش أنا خالص نهائي
في المرايا ببص الاقي باقي من طيبتي البواقي
عشان القسوه قستني
وكان باين قصاد عيني
حقيقتي وشكي أنا عاميني
بسيطة يا دنيا لاعبيني
على الفرح استغماية
في أهلي وحقي وأصحابي
يا دنيا ما سبتليش نابي
رضيت بس احتمى نابي
ما دام تعويرتي في ضنايا
ما دام تعويرتي في ضنايا
خايف لا من كتر الهموم
أنام في يوم ماعرفش أقوم
صعب حال على طول يدوم
يا هم دايم ليا ليه
كنت ماشي زمان في حالي
بس ماعجبش الليالي
يا زمن مالك ومالي
شوف بقي غيري ترازيه
وكان باين قصاد عيني
حقيقتي وشكي أنا عاميني
بسيطة يا دنيا لاعبيني
على الفرح استغماية
في أهلي وحقي وأصحابي
يا دنيا ما سبتليش نابي
رضيت بس احتمى نابي
ما دام تعويرتي في ضنايا
ما دام تعويرتي في ضنايا
