سهى البيست فرند بتاع مي فالمطعم
عشان تحاول تفهم سبب الخناقة
بين حسام و خطيبته مي
_ إيه يا حسام مزعل خطيبتك ليه، لأ دا انا اطلـ ـع عينك
= اهدي بس يا سهى
_ لأ أهدا إيه بقولك مي دي البيست بتاعتي واللي ييجي على مي كأنه جه عليا واللي ييجي عليا أهيـ ـنه هو ومي
= ما هي صاحبتك هي اللي لا تطاق
_ اخـ ـرس قـ ـطع لسانك، انت فاكر عشان عيونك زرقا وعندك دقن كاملة هتد9س على بنات الناس
= بس هي مستـ ـفزة يا سهى
_ لا يا حبيبي صاحبتي قمر، وانت كمان مز وعندك عربية كيا سيراتو موديل السنة تحفة بس دا مش معناه انك تعـ ـقدلي البت
= انتي اصلا شوفتي عملت ايه
_ انا شوفت قهـ ـرتها، شوفت دمعتها اللي مبتنشفش منك ومن عمايلك، كل يومين حسام اللي مرتبه 25 ألف جنيه زعـ ـلني، حسام اللي عنده دوبليكس في الرحاب مبهـ ـدلني
= يعني يرضيكي تكون بـ ـاردة معايه ومتغيرش عليا ؟ هو انا هفـ ـأ يا سهى ؟
_ قـ ـطع لسان اللي يقول كدا انت سيد الرجـ ـالة، متغيرش عليك ازاي الحـ ـمارة دي
= ينفع متبقاش فاكرة عيد ميلادي ؟
_ يا لـ ـهوي دا انت لو خطيبي كنت د.قيت تاريخ ميلادك تاتوه على قـ ـفايا، بس برضو دا مش معناه انك تتعـ ـصب عليها
= ما انا بتعـ ـصب ليه يعني ؟ ما هو بسبب تصرفاتها، يعني ايه لسه بتكلم الإكس بتاعها
_ إيه الفـ ـجور دا، استر ولايانا يا رب، يا اخي تلاقيها كلمته مرة كدا وخلاص
= لأ يا سـ ـتي، بيتكلموا على طول، ولما واجهتها قالتلي عادي احنا مجرد أصحاب
_ لا لا أصحاب ايه يا حسام، أصحاب يجيبلها سلـ ـسلة دهب في عيد ميلادها ؟
= ايه دا، السـ ـلسلة اللي قالتلي خالها اللي جايبها طلع هو اللي جايبها
_ هو انا قلت ان هو اللي جايبها ؟ يا لهـ ـوي على لساني اللي عايز قـ ـطعه، بس صدقني يا حسام هو أحـ رجها هي مكانتش هتاخدها منه
= أحـ رجها ازاي
_ كانت بتبعتله صورها بهدوم البيت شاف صـ ـدرها فاضي قال يكـ ـسره بحاجة دهب
= شاف صـ ـدرها ؟!
_ انا قلت شاف صـ ـدرها فاضي، متقـ ـطعش الجملة بقى وتوقـ ـعني في غـ ـلط
= فاضي وللا مليان هو دكتور أشعة ، يشوف صـ ـدرها ليه .. كملي
_ أكمل ايه انت اتجـ ـننت، انت بتشـ ـك في أنتيمتي، لا يا حبيبي بنتنا شمعتها قايـ ـدة، هو اللي جايبهالها برضو
= هي ايه ؟
_ الشمعة، جابها مع التورتة
= إيه، دا انا متـ ـغفل بقى ونايم على ودني
_ لا بص حاول متنامش على ودن واحدة، قلب نفسك كدا عشان قـ ـرح الفراش
= وبعد كل دا مش عايزاني اتعـ ـصب ؟
_ وانت تتـ ـعصب ليه وتزعـ ـق ليه، جايبها من الشارع، عمرك ما جيبتها من الشارع، هو اللي كل يوم ياخدها في عربيته وهو مروح
= في عربيته، يعني بتركب معاه العربية كمان
_ وفيها ايه يعني ما هو زي اخوها، كل الاخوات بيطلعوا المقطم مع بعض
= مقطم ؟
_ انت فهمت ايه يا بني ادم انت، لا اوعى دماغك تروح لبعيد انت بتتكلم عن اعز صاحباتي
= كانت بتروح معاه المقطم تعمل ايه ؟
_ مكانتش بتروح المقطم يا أخي أنا اللي خـ ـانني التعبير، هي شقة امه في المقطم
= وهي ايه اللي يوديها شقة امه ؟
_ كانت رايحة تطمن عليها لما عرفت انها عيانة وعندها جلـ ـطة، إيه كـ ـفرت يعني ؟ مفيش إنسانية ؟
= واطمنت عليها ؟
_ لا هي لما راحت الشقة افتكرت ان أمه ميـ ـتة من 12 سنة، كانت مسـ ـقطة المعلومة دي خالص، عااااادي يعني جل من لا يسهو، وللا نعلقلها المشـ ـنقة يعني
= انا مش ممكن اكمل في العلاقة دي، انا لازم اسيبها
_ تسيبها ؟ عايز تقـ ـهر صاحبتي يا حسام، عايز تكـ ـسر نفسها، مش ناقص غير انك تعملها بلوك بقى على الواتس والفيس وكل حاجة
= انا هعمل دا فعلا، انا مش عايز اشوف وشها تاني
_ انت بني آدم حـ ـقير وجميل وزي القمر، ازاي تعمل كدا في صاحبة عمري، أنا بجد مصـ ـدومة فيك، وطبعا هتعيش حياتك وتدور على واحدة غيرها
= انا فعلا هعيش حياتي وهرتبط بواحدة غيرها
_ ايوه ما انتو رجـ ـالة واطـ ـيين، بتنسوا في ثانية عشان مبتحبوش بجد، ومش بعيد كمان اللي هترتبط بيها دي تكون صاحبتها الأنتيم عشان تقـ ـهرها اكتر وتغـ ـيظها
= بالظبط، تتجوزيني يا سهى ؟
_ اخـ ـرس يا سـ ـافل يا واطـ ـي يا قلـ ـيل الأصل ، مش فيه صلاة استخارة بنصليها الأول وللا هي الدنيا سبهللة ..
((الى اللقاء في مشهد تاني))
