ദേവകന്യക സൂര്യതമ്പുരു മീട്ടുന്നു

സ്നേഹകോകിലം ഗായത്രി മന്ത്രം ചൊല്ലുന്നു

മഞ്ഞളാടുന്ന പൊൻ വെയിൽ

മഞ്ഞു കോടിയുടുക്കുന്നു

വിണ്ണിൽ മേയുന്ന വെണ്മുകിൽ

വെള്ളിച്ചാമരം വീശുന്നു

ദേവകന്യക സൂര്യതമ്പുരു മീട്ടുന്നു

സ്നേഹകോകിലം ഗായത്രി മന്ത്രം ചൊല്ലുന്നു

കുങ്കുമം പൂക്കും കുന്നിൻ മേലൊരു

കുഞ്ഞിളം കിളി പാടുന്നു

അമ്പലം ചുറ്റിയെത്തും പ്രാവുകൾ

ആര്യപൊൻ പാടം കൊയ്യുന്നു

വെള്ളിയാഴ്ച പുലർച്ചെയോ

പുള്ളോർ പൂങ്കുടം കൊട്ടുന്നു

നാഴിയിൽ മുളനാഴിയിൽ

ഗ്രാമം നൻമ മാത്രമളക്കുന്നു

നൻമ മാത്രമളക്കുന്നു

ദേവകന്യക സൂര്യതമ്പുരു മീട്ടുന്നു

സ്നേഹകോകിലം ഗായത്രി മന്ത്രം ചൊല്ലുന്നു

തെങ്ങിളം നീരാം പൊൻനീളെ

നിന്നിൽ മുങ്ങിതോർത്തും പുലരികൾ

വാർമണൽ പീലി കൂന്തളിൽ

നീല ശംഖുപുഷ്പങ്ങൾ ചൂടുന്നോർ

കുംഭമാസനിലാവിന്റെ കുമ്പിൾ പോലെ തുളമ്പുന്നു

തങ്കനൂപുരം ചാർത്തുന്നോർ

മണി തിങ്കൾ നോയമ്പ് നോൽക്കുന്നു

തിങ്കൾ നോയമ്പ് നോൽക്കുന്നു

ദേവകന്യക സൂര്യതമ്പുരു മീട്ടുന്നു

സ്നേഹകോകിലം ഗായത്രി മന്ത്രം ചൊല്ലുന്നു

മഞ്ഞളാടുന്ന പൊൻ വെയിൽ

മഞ്ഞു കോടിയുടുക്കുന്നു

വിണ്ണിൽ മേയുന്ന വെണ്മുകിൽ

വെള്ളിച്ചാമരം വീശുന്നു

ദേവകന്യക സൂര്യതമ്പുരു മീട്ടുന്നു

സ്നേഹകോകിലം ഗായത്രി മന്ത്രം ചൊല്ലുന്നു..