Pavitra kokh mein saubhadra putr ka vaas

Vidhi se likhit jisme kauravon ka naas

Vaatsalya mein baat thhi kuch khaas

Vidhi ke likhe mein hota satya ka raaj

Paarth ne prarambh ki dron vyuh ki kahani

Chakravyuh ko bhedna shaurya ki kala thhi

Kehte kokh se hi veero mein ravaani

Aur veero ke veer sabhadra putr senani

Sab kuch suna devi ne gehre mann se

Abhimanyu juda thha jinke tan se

Dharm praapt nahi hota kabhi dhan se

Aur na hi milta moksh bhaag ke kabhi rann se

Devi ke upar barsi neend banke grahan si

Prateet hota jaise mrityu ki behan thhi

Saatve dwaar tak toh neend usne vahan ki

Fir aadhi adhoori kahani bani kaali ren si

Aadha gyaan rehta zeher jaise takshak

Aadha gyaan banta manavta ka bhakshak

Aadha gyaan karta saralta se nasht sab

Fir dekhta kahani baitha kaal darshak

Aadha gyaan rehta zeher jaise takshak

Aadha gyaan karta saralta se nasht sab

Aadha gyaan banta manavta ka bhakshak

Fir dekhta kahani baitha kaal darshak

Fir ek din woh dusht ghadi aan padi

Lene pariksha jitno ki thhi jubaan badi

Veer se veer bhi woh vyuh dekh kaanp uthe

Koi toh ho veer jiska iss ghadi mein haath uthe

Prabhu ki leela, woh toh saari katha jaante thhe

Kaun kitna saksham hain, sabhi ko pehchante thhe

Veer manyu aao kadam rakho aage

Atirikt sabhi hain iss kala se abhaage

Veero ke paer rann mein kabhi dagmagaate nahi

Kshatriya kabhi bhi viyog geet gaate nahi

Mrityu bhay kabhi chhaati se lagaate nahi

Jo tanik bhi ho moh veergati kabhi paate nahi

Kawach vaksh se lagaya jaise sheh ka thha

Mrityu sang khela veer tanik use bhay na thha

Par aadha gyaan sar pe kaal chakra bana

Aadha gyaan bhayanak hain, kehti yeh gaatha

Aadha gyaan rehta zeher jaise takshak

Aadha gyaan banta manavta ka bhakshak

Aadha gyaan karta saralta se nasht sab

Fir dekhta kahani baitha kaal darshak

Aadha gyaan rehta zeher jaise takshak

Aadha gyaan banta manavta ka bhakshak

Aadha gyaan karta saralta se nasht sab

Fir dekhta kahani baitha kaal darshak

Aadha gyaan, Aadha gyaan, Aadha gyaan

Aadha gyaan, Aadha gyaan, Aadha gyaan

Aadha gyaan, Aadha gyaan, Aadha gyaan

Aadha gyaan, Aadha gyaan