أنا شفت كتير منك وخلاص أهو فاض بيا
معقول كده عادي وسهل عليك تظلم فيا
ودا قلبك إيه أصلي مشوفتش عندك إحساس
إزاى في الدنيا فيه ناس كده قاسيه ومؤذيه
أنا شوفت كتير منك ياللي عليا استقويت
وإنت مبطلتش توجعني يوم واستكفيت
بتنام إزاي وإنت يا ساتر مليان جبروت
الله لا يسامحك على جرحك ولا كسرك ليا
الصبر جميل واهو بكرة تشوف
ويجيلك يوم والوقت كفيل
هيجيب حقي دي دعوة مظلوم ودعيتها عليك
من قلبي بقيت كارهاك بضمير
داين فَتُدان اومال يعنى إنت مفكر إيه
ودا درس زمان إنت مذاكره وبتسقط فيه
دي مش قسوة دي مني وتستاهل أكتر بكتير
هستعوض ربنا في الوقت المهدور ويّاك
وهكون كسبانه ما دام قدام هتفادى اذاك
والله دا عدل وعين العقل إنك تتساب
لو هدعي عليك صدقني دا حقك مش ظالماك
دا اللي أنا جربته معاك اعذرني مبرجعلوش
وهقول لو جابوا في يوم سيرتك لا معرفهوش
واهي صدمه تفوت مين قالك أموت معلش دا خير
وفهمت أنا غلطي وهطلع عاقله مكررهوش
الصبر جميل واهو بكرة تشوف
ويجيلك يوم والوقت كفيل
هيجيب حقي دي دعوة مظلوم ودعيتها عليك
من قلبي بقيت كارهاك بضمير
داين فَتُدان اومال يعنى إنت مفكر إيه
ودا درس زمان إنت مذاكره وبتسقط فيه
مش قسوة دي مني وتستاهل أكتر بكتير
