رفع ومونتاج
محمد ربيع
&
نور محمد
مشهد من فيلم الجلسة سرية
عبد القادر.. للمره الأخيرة هسألك يا زهيره مين أبو أيمن؟
زهيره: ايمن إبنك يا عبدالقادر
عبد القادر:( يصرخ بغضب) مش عايز اسمع الكلمة دي تاني
تلت دكاتره ف مصر مش كدابين
دكاترة لندن اللي معرفهمش وميعرفونيش مش كدابين
زهيره:( بحذر وخوف) وطي صوتك وطي صوتك متزعقش الولد هيسمعنا
عبد القادر: يسمع.. أنا عايزه يسمع ولعلمك اذا مقولتليش حالا مين ابوه
انا هروح اصحيه وهقوله ان انا مش ابوه
( بغضب) مين ابوه يا زهيره
زهيره:(تكتم فمه) انت ابوه يا عبدالقادر
عبدالقادر: كده طييييب
زهيره:( تركع تحت رجله تتوسل اليه) حرام عليك يا عبدالقادر
حرام عليك اللي انت بتعمله فيا دا حرام
عبدالقادر: انتي تعرفي الحلال والحرام
زهيره: ببكاء.. لاء يا عبدالقادر انا هتكلم هتكلم
أنت مش أبوه
.. عبدالقادر:(مصدوم.. ويضربها) اتكلمي.. اتكلمي.. اتكلمي..اتكلمي
زهيره: انا مكنتش اعرف ان انت مش ابوه إلا يوم ما قولتلي.
. مصدقتكش والله العظيم مصدقتكش
عبدالقادر: ميهمنيش عرفتي امتي.. عايزه اعرف مين أبوه اللي خونتيني معاه
زهيره: انا مش هدافع عن نفسي انا عارفه ان أنا غلطت بس من فضلك اسمعني
.. انا كنت عايشه لوحدي.. فراغ..
كنت عروسه جديده.. عايشه بين اربع حيطان وانت مسافر أو..
أو حتي وانت مش مسافر كنت طول النهارد بتبقي قاعد بره
وترجعلي أخر الليل تعبان وهلكان
عبدالقادر: كنت بتعب واشقي عشان ابني مستقبل ليا وليكي
زهيره: ايوه.. كنت بتبنيلي مستقبل.. لكن كنت بتقتل جوايا
اجمل احاسيس الست بتعيشها ف حياتها
عبدالقادر: أي تبرير لخيانه مرفوض
زهيره: منكرش اني غلطت غلطه واحده ف حياتي دفعت تمنها سنين طويله
عبدالقادر: الغلطه دي من عمر ابنك أيمن هتفضل تكبر وتكبر وياه طول ما بيكبر
زهيره:( ببكاء وصراخ) ليه ياربي ليه
عبدالقادر: انا مش هقعد اسمع ندمك واستغفارك
زهيره: دانا استغفرتك.. استغفرتك وحاولت اكفر عن ذنبي ده عمري كله
عبدالقادر: ومين قالك ان ربنا غفرلك
زهيره: بصراخ.. غفرلي.. غفرلي بدليل اني كرست حياتي ليك ولأبني ونسيت نزوتي..
غفرلي بدليل ان انا معرفتش ان ايمن مش ابنك إلا منك
عبدالقادر: هتقوليلي مين هو ولااا
...... زهيره: لااااء لاااء لاءه خد.. خد يا عبدالقادر
اقتلني وريحني ومتسألنيش السؤال ده تاني
عبدالقادر: انا مش هقتلك بالمسدس ده انا هقتلك ببطئ لحد ما اعرف مين هوه
زهيره: (تقع علي الارض وتبكي) اااه اااه
إذا اعجبكم الفيديو تابعونا علي الفيس او اليوتيوب
صفحة : محمد ونور
مع تحيات
👑🥇مَحٌⓜ😄ⓗⓐⓜⓔⓓمَد✍️
🎖✍͡➴͜❥иₒₒᵤᵣ❥─┅®️
