Umiiyak ka na naman

Bakit palagi kang gan'yan?

Sa sarili'y 'di naaawa at laging luhaan

Hanggang kailan magmumukmok

Doon sa isang sulok?

Hindi na ba magagawang kalimutan ang 'yong pagsubok?

Bakit 'di turuan ang puso'y magmahal muli?

Nang maampat ang luha ng isang sawi

Narito ako para sa 'yo upang ika'y ibigin ko

Sumandal ka sa 'kin nang madama pag-ibig ko sa 'yo

At ang iyong pagdaramdam sa puso ko'y tumatagos

Ang 'yong pagdadalamhati ay 'di ko kayang matarok

Maaari bang gumising na sa kay tagal na bangungot?

Halika na at lulunasan ko, luhang umaagos

Bakit 'di turuan ang puso'y magmahal muli?

Nang maampat ang luha ng isang sawi

Narito ako para sa 'yo upang ika'y ibigin ko

Sumandal ka sa 'kin nang madama pag-ibig ko sa 'yo

Tumahan ka na

Pakiusap ko, siya ay kalimutan na

Tayo'y mag-umpisa

Tayo lamang dal'wa

Sa aki'y 'di ka na luluha pa

Bakit 'di turuan ang puso'y magmahal muli?

Nang maampat ang luha ng isang sawi

Narito ako para sa 'yo upang ika'y ibigin ko

Sumandal ka sa 'kin nang madama pag-ibig ko sa 'yo