.............
صباح الخير يمه تلكي أبنج جاي
كومي من الكبر وبلهفة شميني
صباح الخير يمه وكومي افتحي الباب
طولت بغيابي أرجوج اعذريني
مرّت مدّة يمه ورسمي عنج غاب
بس موبيدي والله وزين تدريني
إنه وليدج ييمه وما أخون رباج
بس الغربة حالت بينج وبيني
كوميلي ييمه وكسري السرداب
وبنفس الجفن وياج غطيني
كوميلي ييمه بكلبي تسعر نار
محتاج لحنانج فدوة ضمّيني
كوميلي ييمه عيوني إجت خطّار
تشكيلج عذابي وغربة سنيني
اسمعيني اسمعيني اسمعيني
أريد بكبرج أغفى، وياج خليني
من يوم الدفنتج يمه ما مرتاح
شلت الهم ييمه منهد عشريني
وطلكت الفرح يا يمه ثلث إيمان
وربطت الحزن شديته بيميني
لأن ما أكدر أنسى وداعتج معذور
اسمج هو دمي وكل شراييني
كوميلي ييمه وداعتج تعبان
بس بشوفج إبره وتبتسم عيني
بس إنتِ الوحيدة القادرة بهالكون
بتراب الجفن يحبيبه تشريني
اسمعيني ييمه وكومي اترجاج
مامرجيه منج هيجي تاذيني
كوميلي أنا جيتج ما أريد أعذار
طشرني الوكت يا يمه لميني
طشرني الوكت يا يمه لميني
