ELARABY
قدام منى وقدام عينى
راح أغلى صاحب ليا
سابنى بجرح ودمع فى عينى
سابنى وأيده يا ناس فى إيديا
و أخر كلمة قالهالى
وصية غريبة سابهالى
وشال دبلتها من إيده
وقالى أمانة وصلها
وقولها إنى حبتها
وعمرى فى لحظة ما نستها
وكان نفسى يطول عمرى
عشان أحلامنا أكملها
وفارق
وفارق بعدها وسابنى
بجرح كتير معذبنى
وفارق بعدها وسابنى
بجرح كتير معذبنى
دموع كتير بتبكى عليك
يا صاحبى بعدت ليه عنى
ومين اشكى له اوجاعى
والاقى قلبه بيساعى
ومين اشكى له اوجاعى
والاقى قلبه بيساعى
ياريتنى كنت انا بدالك
رضيت بودعها ووداعى
وفارق
انا مش عارف اعمل ايه
اروح لحبيبته اقول لها ايه
انا مش عارف اعمل ايه
اروح لحبيبته اقول لها ايه
دا كان دنيتها وعينيها
وروحها بجد كانت فيه
كلامه كان كتير عنها
وعن رقتها وحنانها
كلامه كان كتير عنها
وعن رقتها وحنانها
دا لو عرفت تروح فيها
على الغالى اللى راح منها
وفارق
مشيت وفى ادى دبلتها
خايف من مقابلتها
مشيت وفى ادى دبلتها
خايف من مقابلتها
بقيت قلقان ومن حيرتى
وقفت عند باب بيتها
بقدم خطوة والتانية
بترجع منى وفى ثانية
بقدم خطوة والتانية
بترجع منى وفى ثانية
ولما نويت وقلت خلاص
سمعت صراخ مالى الدنيا
وفارق
جريت والخوف بيسبقنى
اتارى الحزن جي سبقنى
جريت والخوف بيسبقنى
اتارى الحزن جي سبقنى
وجى لها الخبر دا قبلى
وعرفت بس مش منى
سالت عليها اوسيها
قالولى دموعنا دى عليها
سالت عليها اوسيها
قالولى دموعنا دى عليها
دى لما عرفت اللى حصل
من الصدمة راحت فيها.
وفارق
